آراء مختلفة حول تأجيل الإنجاب بعد الزواج: الناس مش بتسيبك في حالك

ناقش رواد موقع التواصل الاجتماعي "فيسبوك"، فكرة تأجيل الإنجاب بعد الزواج لضمان استمراره حتي لا يقع الأطفال هم الضحايا في هذا الطلاق، وكانت ردود الأفعال متضاربة، هناك المؤيد بشدة وعلي النقيض الرافض للفكرة تماما.

ورصدت "مصريات" جانب من التعليقات الرأيين:

-  انا غير مؤيدة لانه ممكن بعد سنتين يخلفوا ويحصل مشاكل بعد ما يكونوا عرفوا بعض .. احنا نختار صح من الأول ونكون واضحين مع بعض.

-  مؤيدة عشان منتجبرش نعيش مع حد بنكرهوا بس لانه لاوى دراعنا بأبننا.

- صح جدا.. اي اتنين مخطوبين في الفترة دي بيبقوا حاجة، ولما بيتجوزوا بيبقوا حاجة تانية خالص، الشخصية بعد الجواز بتبان كل تفاصيلها ويبدأوا يتأقلموا علي بعض، فمش صح انهم يحطوا طفل في النص وهما لسه مخدوش علي الحياة الجديدة ولا عرفوا يشيلوا مسئولية ولا عندهم استعداد للتربية.

- الموضوع ده هيزود الطلاق ويسهله بالعكس عشان مش هيبقي في دافع قوى يكملوا عشانه.

- انا مع الفكرة مليون في المية لأن اول فترة بيبدأ الاتنين فاكتشاف طباع بعض بدون مجاملات فترة الخطوبة والصورة الوردية اللي بتبقي مرسومة وللاسف لو في طفل فبداية الزواج وتم اكتشاف طباع لايمكن تحملها بيكون ضحيتها الزوجة انها بتيجي علي كرامتها وعلي اعصابها وبتضحي بنفسها في سبيل الطفل ده يتربي مع ابوه، او انها تتطلق ويكون الطفل هو الضحية يعني كدة كدة في ضحية يأما الطفل او الزوجة.

- والخطوبة معموله ليه !! اصلا كدة حاطين احتمال للانفصال وشاغلين دماغهم بيه متتجوزش طالما عندك احتمال 1% انك ممكن تنفصل.

- احنا عملنا كدة وروحنا عند دكتور عشان نشوف وسيلة والدكتور مرضيش يمنع رزق ربنا، واتأخر الإنجاب 16 سنة بدون أسباب.

- والله انا شايفة ان الرجالة لو بطلت تختار الجواز عشان البنت دى حلوة وبنت مين، والبنات بطلت تختار اللي عنده شقة .. وقتها مش هنبقي محتاجين قرار زى ده.

- مع جدا بس في مجتمعنا الناس مش بتسيبك في حالك بتفضل وراك من اول الام والحماه لحد الجيران.

 

التعليقات