"جوزك لسه لابس دبلة الجواز؟".. زوجات: كنت خربت بيته لو قلعها بس أنا اللي مش بلبسها

وجه واحد من الجروبات النسائية، على موقع التواصل الاجتماعي فيسبوك، سؤالا حول ارتداء الزوج لدبلة الزواج حتى بعد مرور وقت، وجاءت الردود مختلفة حول هذا الأمر حيث بعضهن نفى خلع الزوج لدبلته وبعضهن أكد عن عدم ارتدائه اياها منذ أول أسبوع.
 
فتقول هناء زوجة حديثة 23 عاما "وحياتك قلعها من أول اسبوع، وأنا بس اللي لابساها"، بينما قالت رانيا 34 عاما "انا قلعتها عشان بتوجعلي صوابعي من شغل البيت لكن هو مايقدرش يقلعها"، ومن جانبها ردت أمل "لا يقلعها ليه كنت خربت بيته بس انا اللي قالعاها".
 
أما مروة فكان رد فعلها مختلف حيث أنها ترى لا داعي لارتدائها فتقول "لا انا ولا هو بنلبسها من يوم الخطوبة والفرح بس"، بينما داليا 30 عامل قالت "لما بقلب عليه بس  بيلبسها غير كده مكبر دماغه".
 
وهدى كانت لها وجهة نظر في ارتداء الدبلة حيث قالت "الدبلة ذكرى حلوة لليوم اللي اتجوزتوا فيه، عشان كده بغيرهالوا كل فترة بحاجة أحدث عشان يحب يلبسها"، بينما قالت ريهام "جوزي أوروبي مابيرضاش يلبس الدبلة دي خالص وأنا بس اللي لابساها".
 
وكان هناك اراء متشابهة لكلا من مي، ماجدة، نهى، سارة حيث يروا ان الدبلة رباط لا جدال فيه قائلين "أيوه طبعا لابسها ومايقدرش يقلعها وانا كمان لابساها". 
التعليقات