سناء:جوزي ضربني عشان قولتله خذ موقف مع جارتي .. منى: بيطلع عليا خنقته بسبب الفلوس .. هيام:أنا بقالي كام سنه بصرف على جوزي يقوم يضربني

 يهين بعض الرجال نسائهم و يتعدون عليهم بالضرب، نتيجة  لبعض افعالهم مثل محاولة  المرأة توجيههم لفعل ما، او اتخاذ موقف في موضوع معين. و سألت "مصريات" عدد من السيدات هتعملي اه لو جوزك ضربك؟، أو جوز بنتك ضربها؟  
 
عن زوجها المتوفي قالت "سناء يوسف لـ"مصريات" عندما استعمل زوجها العنف معها : "جوزي ضربني عشان قولتله خذ موقف مع جارتي لما أتخانقت معاها و قولتلوا اتكلم معاها و اعمل حاجه ولكنه قام بضربي"
و رداً على على سؤال "مصريات" عملتِ ايه لما ضربك؟ قالت:"علمتوا الادب و رحت لاهله و اشتكيته لعمه ", واضافت ان زوج ابنتي يقوم بضربها و كثيرا ما اخذ معه موقف لكنه لا يستجيب فهو غير متفهم لان ابنتي خريجة جامعة، و هو صانيعي يعمل مكانيكي و اساعده في مصاريف منزله رغم ضيقتي المادية بعد وفاة زوجي وذلك بعملي متحف محمد علي، و هذا يؤثر علي معيشتي انا و ابنتي الاخري قائلة: "بنمشي علي قدنا يوم جبنة قديمة و يوم جبنة بقوطة ... وبكدا بنمشي حالنا"
 
و أشارت منى عبده :الي احتياجها لعمل اخر لتربية اولادها، بعد طلاقها من زوجها بسبب كثرة اهانته لها و ضربها، و قالت "بيطلع عليا خنقته بسبب الفلوس و الظروف" , و بعد طلاقها   عملت في منزل و لكنها تبحث عن عمل اخر لتكفي حاجه اولادها من ماديات لدراستهم  قائلة:"عندي واحد في سادسه ابتدائي يحتاج مبلغ 800 جنيه لدراسته و ابني الاخر في ثانية ابتدائي يحتاج 350 لدراسته فيتبقي  معايا 1100 من راتب شغلي و معاش المطلقات و هو 400 جنية "
و رداً على سؤال "مصريات" مفكرتيش تتجوزي تاني؟ قالت: "لا مش هتجوز  علشان مش حابه اني ارجع للاهانة تاني .. اهم حاجة اعلم عيالي"
 
وقالت آمال محمد عن ضرب زوجها لها "لا طبعا مضربنيش قبل كدا يضربني ليه و يهين كرامتي ليه؟"،و رداً على سؤال "مصريات" لو جوز بنتك ضربها هتعملي ايه ؟
قالت: "اذبحة, و لكن بنتي لابد ان تأخذ موقف"
 
و قالت هيام لـ "مصريات": "جوزي مينفعش يضربني كنت اديلوا علي قلبه و بتاع ايه يضربني انا بقالي كام سنه بصرف عليه يقوم يضربني , مره  عملها وضربني وعلمته الادب سبتله البيت و رحت اقعدت مع صاحبتي في شقتها و داخ عليا"
و عبرت عن رفضها ضرب زوج ابنتها  لها "هضربه اكيد و مش هخلي بنته تسكتله"أو ضرب أبنها لزوجتة قائلة: "هقطعله ايديه "
 
التعليقات