هند السلمي تكتب: الخروج من الإكتئاب ميلاد جديد

 

 

في الفترة الأخيرة أكتر من صديقة قالتلي صغرتي يا هند، شكلك بيصغر، هو في الحقيقة أنا عاوزة أعترف إني مصغرتش ولا حاجة، أنا بس كنت مريضة وخفيت أو على الأقل بدأت أخف بالفعل بعد سنين تعب متواصل.

الإكتئاب يا صديقتي بيلبس الإنسان توب غير توبه، توب كهل عجوز بكل تفاصيل مرضه وألمه وذكرياته الموجعة وتفاصيل حياته اللي بتحني ضهره.

الإكتئاب بيخلي الإنسان يوصل في العمر لأرذله ويتمنى بقى يخفف عن اللي حواليه بالموت، بيخلي كل كلمة بتقولها مش شبهك.

كل فكرة في دماغك مش بتاعتك، بيقفل كل طاقة نور جوا روحك و يطفي كل لمحة أمل جوا عيونك ويقتل كل بسمة على شفايفك.

مرضى الإكتئاب لما بيخفوا مش بيستعيدوا سنين عمرهم، دول بيتولدوا من أول وجديد.

التعليقات