منى عبد الكريم تكتب: ثمن المحبة

 

 

مين قال إن المحبة سهلة.. أبدا.. أغلى تمن دفعناه في حياتنا كان بسبب المحبة، مش شرط محبة الحبيب لا كمان المحبة العادية لمخلوقات ربنا.. اللي أحيانا بتتفهم على إنها ضعف.. وأحيانا بتخليك مستهدف ومستباح، أوعرضة لأنواع كتيرة من الأذى وأولها وأقربها عدم التقدير.

المهاتما غاندي كان اسمه الروح العظيمة، لو تابعت قصة حياته هتكتشف إنه أسس مبدأ اللاعنف وكان مبدأه في حياته المقاومة السلمية.. ولكن دا عرضه للضغط والأذى أحيانا من أقرب الناس ليه لكنه عمره ما استسلم وفي النهاية قتل.

لو تابعت حياة أي إنسان اعتنق مبدأ المحبة في حياته هتكتشف مدى معاناته.. المهم اللي عايزة الناس تعرفه إنه طريق الكراهية والعنف أسهل بكتير وكمان مريح أكتر لكن الاختيار بتاعك .. لكن الاختيار دي كلمة في ذاتها بتلخص جزء كبير من شكل التجربة بتاعتنا على الأرض.

التعليقات