رشا فؤاد: المايسترو وصل

إكتب حروفى بالدو الممسوحه من إسمك

ساعة تعليب الموسيقى جوه عينيك للخلف سر
برغم رملك المردومه صحرا فى وش الريح
بترسم كل خطوط الجغرافيا على إيدك
فتفتح الروايه من أول المشهد بطل
يغنى ف تتر الفيلم صوته بصوتى
يصبح صداه ف الروح
إسطوانة جرامافون
بتلف ف كل بيت تأويل
يعشق المذهب ...الشارع الواسع عليه مذهب
إقفلوا كل الحارات الضيفه بيكوا
وناموا ف اللحن ع النوته راح يدفيكوا
بس افتحوا كل اللى كان بين قوسين محبوسه
فيه المعصيه ......
وحلال وحرام كالعاده مكبوته بالحاله
كل الغنى جوه الموسيقى زار
للخلف در
ع السلم المفتوح ب رى
فك باقى أساورى ع السجان وشاور
(دو ما جر)
مجنون أكيد بتنادى بالكونشترو
فاضل تكون انت الوتر ع النوته
بس ......
المايسترو وصل
ظبط ساعات الوقت ع الفكرة
إكتم نفسك ف مساحات الضل ع الصوره 
وافتح كتب التاريخ ع الحرب
تصبح شاهد ملك فى لون الدم
وأصبح انا جوه التاريخ
إسمك المكتوب بالحبر السرى جوه النص.

التعليقات