"أربعة أشخاص يغتصبون سيدة" .. فيديو| الضحية: زوجي بيعاملني وحش بعد الحادثة .. الضباط بالمركز عاملوني بطريقة مش كويسة وقالولي ألفاظ وحشة

 

اغتصب أربعة أشخاص سيدة متزوجة وأم لطفلة عمرها سنتين ونصف، في مدينة بلقاس التابعة لمحافظة الدقهلية، وقامت بتحرير محضر، وألقي القبض عليهم وحبسهم النيابة أربعة أيام علي ذمة التحقيقات.

وقالت فاطمة الضحية التي تم اغتصابها، إنها كانت ذاهبة لشراء بعض الإشياء للمنزل، وقام أربعة أشخاص بمحاوطتها وخطفوها بأرض زراعية، "واحد كان ماسكني وبيهددني بسكينة، والباقيين اعتدوا عليا واغتصبوني، قعدت اصوت وحاولت اقاومهم، قالولي مفيش حد هيجيلك ومفيش حد هيسمعك اصرخي زي ما تصرخي الحتة دي مقطوعة، قولتيلهم ابوس ايديكوا سيبوني، خدوا الفلوس وكان في ايدي خاتم ودبلة اديتهوملهم عشان يسيبوني".

وتابعت فاطمة، في حوارها أمس ببرنامج العاشرة مساءًا، أن الاغتصاب أستمر حوالي ساعة، وقاموا بتصويرها عارية بجانب أحدهم، وهددوها أذا بلغت الشرطة عن ما حدث سيفضحوها بهذا الفيديو، "قولتلهم اقسم بالله ما هسيبكوا، قالولي ماشي الفيديو معانا واللي انتي عايزاه اعمليه".

وأكملت فاطمة أن زوجها أصبح يعاملها بطريقة سيئة، لرفضه إبلاغها عن ماحدث، معتبرًا ذلك فضيحة له، وهي الأن تسكن ببيت والدتها، "جوزي بقي بيعاملني بطريقة وحشة اوى من ساعة الحادثة، حتي الضباط بالمركز عاملوني بطريقة مش كويسة وقالولي ألفاظ وحشة، واعتبروني بتبلي علي اللي اغتصبوني وبيعملوهم هما كويس وبيكلموهم بإحترام، وفي الأول العمدة جه وعرض علينا مبلغ عشان نتنازل"،     

وقال خال الضحية السيد بدران إبراهيم، إن والدتها وزوجها كانوا رافضين الإبلاغ عن ماحدث ولكنهم أصروا علي البلاغ حتي ينال المتهمين عقابهم، "في قسم الشرطة الأمين قال للمتهمين ملقتوش غير دي تغتصبوها، وشتموها بألفاظ وحشة اوى"، وتابع أنه أب لأربعة بنات، ومن الممكن أن يحدث هذا مع ابنته، ولا يمكنه ترك الجناة.  

 

العاشرة مساء| بالتفاصيل الجريمة التى أشعلت مدينة بلقاس أربع ذئاب بشرية يغتصبون سيدة

التعليقات