مع الشيف أميرة في رمضان.. حضروا أرز بسمتي بمكعبات الدجاج

 

تقدم الشيف أميرة سعد طريقة إعداد أرز بسمتي بمكعبات الدجاج.

 

المكونات

كوبان أرز بسمتي

3 كوب ماء مغلي

كوب عصير برتقان فريش

نصف ملعقة صغيرة قشر برتقال

بصلة متوسطة

3 فصوص ثوم مفرومين ناعم

ملعقة كبيرة صلصة طماطم

ثمرتان كبيرتان جزر مبشور

ربع كيلو صدر دجاج مقطع مكعبات

 ورق لورى

عود قرفة خشب

ملعقة صغيرة فلفل أسود ناعم

ملعقة صغيرة سُماق

ملعقة صغيرة كبابة صيني

ملعقة كبيرة ملح أبيض

بشرة جوزة الطيب

 

طريقة التحضير

هنجيب البصلة ونقطعها ونضعها في حلة سخنة تتحمر (بدون مادة دهنية) بس دايماً ماسكة المعلقة الخشب وبتقلبي.

هتدبل البصلة، ضيفي الثوم المفروم.

ثم قطع الدجاج (ربع كيلو كافِ جداً وممكن تزودي حسب رغبتك).

عندما يشوح الدجاج، ضيفي ملعقة الصلصة تتحمص دقيقتين.

وضيفي البطاطس المقطعة مكعبات. ثم الجزر المبشور، وبشر قشرة البرتقال (بالنسبة لقشرة البرتقال خدي الطبقة البرتقالي فقط وبلاش الجزء الأبيض، اتخلصوا منه عشان بيمرر.)

قلبيهم دقيقة يدبلوا.

وبعدين ضيفي التوابل، لو متاح عصفر ضيفيه للتوابل.

ثم يضاف عصير البرتقال الفريش.

ثم ضيفي الـ3 أكواب ماء مغلي. وضيفي الأرز وقلبي براحة.

لو عندك زعفران (أو بودرة صفار الزعفران) استعملي ربع معلقة صغيرة ودوبيه في ربع كوب ماء ورشيه على الأرز آخر 5 دقائق.

ملحوظة: أكلة النهاردة تنفع وجبة مستقلة بذاتها خصوصا للأطفال اللي مبتاكلش خضروات أو بروتين، وسعراته قليلة جداً.

لو ما ظبتش معاكي الأرز غيري النوع لأنه الأرز البسمتي أنواع ودرجات كثيرة.

 
 
التعليقات