مع الشيف أميرة في رمضان.. حضروا كحك العيد

 
 
تقدم لكم الشيف أميرة سعد طريقة تحضير كحك العيد.
 
المكونات
 
كيلو دقيق
 
نص كيلو سمن بلدي (2 كوب ونصف)
 
تلت كوب سكر بودرة
 
كيس بيكنج بودر
 
ملعقة كبيرة ريحة كحك
 
ملعقتان كبيرتان سمسم محمص
 
بيضة
 
كوب لبن دافئ
 
الحشوة
 
ملبن
 
ملعقة سمن
 
لوز مقشر
 
طريقة التحضير
 
نضع البيضة والسكر معا، ونخلطهم جيد جداً بالمضرب.
 
ثم نضيف السمن، ونخلط جيد جداً حتى تصبح هشة.
 
نجيب بولة ونضع على الدقيق رشة ملح، والسمسم المحمص، وريحة الكحك.
 
ثم نضيف كيس البيكنج بودر، ونخلطهم جيد جدا بملعقة خشب.
 
نضيف خليط السمن على خليط الدقيق، ونبسهم براحة اليد، براحة اليد وليس بالعجان.
 
ثم نضيف كوب لبن دافئ واحدة واحدة لحد ما العجينة تلم وتبقى طرية.
 
أفرد العجينة واضيف في النصف الملبن بالحشوة واكورها مرة أخرى.
 
رصيتهم في صاج ومشيت بالبصامة بتاعت الكحك عليهم.
 
 تكوني مشغلة الفرن على درجة 180° وأول ما تخلصي صاج دخليه الفرن لمدة 15- 20 دقيقة حسب الفرن، تخرجيه ومتحركهوش غير لما يبرد عشان يمسك نفسه.
 
"ولاحظي إن ده مفيهوش خميرة ومبيخمرش."
 
"جزء من العجينة عاوزة اعمله عمق عشان ياخد شكل العش، واحط فيه حشوة نوتيلا، فخدت كور عجينة صغيرة وبقيت أضغط القالب عليها، صغري العجين فيها جدا عشان متفردش وقت النضج".
التعليقات