مع الشيف أميرة في رمضان.. حضروا الباذنجان المخلل

 

تقدم لكم الشيف أميرة سعد طريقة تحضير الباذنجان المخلل.

المكونات

كيلو باذنجان

رأس ثوم مقشرة ومفرومة ناعم،

ملعقة كبيرة هريسة حلوة

فنجان خل

فنجان زيت

3 قرون فلفل حامي

3 فلفل رومي

عصير 2 ليمون

ملعقتان كبيرتان ملح بحري خشن

ملعقة صغيرة ممتلئة كمون

ملعقة صغيرة ممتلئة بابريكا

ملعقة صغيرة ممتلئة كزبرة

طريقة التحضير

نشيل رأس الباذنجان رأسه بإيدينا، ونعمل فيه شق بالسكينة عشان يتسلق.

ونضعه في ماء ساخن عشان ياخد نصف سلقة (لو هتشيليه فترة يبقي نصف سلقة، لو هتستعمليه خلال أيام يبقي سلقة ويكون متماسك عشان تعرفي تحشيه).

في الكبة نضع الثوم المفروم ناعم، وملعقة الهريسة.

نضيف التوابل، ثم نضيف فنجان الخل وفنجان الزيت. ونضيف الفلفل الحامي والرومي وعصير الليمونتين.

هنحشي الباذنجان بخلطة الفلفل والتوابل والثوم.

ونرصه في برطمان عشان أضمن إنه يفضل واقف بشكل طولي منسق.

ومننساش تعقيم البرطمانات بغسلها جيد جدا، وادخلها فرن كان شغال مسبقاً وطفيته ودرجة حرارته متوسطة، على صينية ثم فوطة بيضا نضيفة.

بعدما خلصت كمية الباذنجان، أجيب كوب ماء سلق الباذنجان مبرد، وأضيف له ملعقة كبيرة من التتبيلة وأضيفها واقلبها عليه.

ثم أضيفها للباذنجان حتى تملأ الفراغات وتغطي الباذنجان.

 
التعليقات