مع الشيف أميرة في رمضان.. حضروا الغريبة

 

قررت الشيف أميرة سعد أن تبدأ بتقديم طرق تحضير أول وصفات العيد، وهي الغريبة.

المكونات 

كوب سمن بلدي أو زبدة (200 جرام)

ثلث كوب سكر ناعم (80 جرام)

كوبان دقيق (250 جرام)

بياض بيضة

 ڤانيليا

طريقة التحضير

أنا استخدمت زبدة طلعت من التلاجة نصف ساعة، وأضيف عليها السكر الناعم وأضربهم جيدا جدا بالمضرب.

خليط الزبدة والسكر أضربوا لحد ما لونهم بقى أبيض وليهم قوام كريمي، ثم أضيف لهم بياض بيضة ورشة ڤانيليا.

ثم انزل الدقيق من منخل على الخليط اللي في العجان، واشغل لحد ما الدقيق يختلط تماما.

ولو لقيتي القوام متماسك تمام، لو لسه خفيف وميتشكلش زودي معلقة كبيرة دقيق أو اتنين (بتختلف حسب نوع الدقيق) واخلطيها جيدا وبعدين دخليها التلاجة 10 دقائق.

شكليها كور متساوية في الحجم و"متبططيهاش".

خلصت كمية الغريبة، حطيت في النص بونبوني مبيتلسعش، وخدت قطعة عجينة ضفتلها كاكاو وعملتها بديل لخرز الغريبة الملون.

الفرن ميبقاش سخن أوي دخلتها الفرن على درجة 160 ° لمدة 10 دقائق.  

 
التعليقات