مروة سمير تكمل "المشهد الناقص" في الأعمال الدرامية

 

انتشرت منذ فترة قصيرة صفحة على موقع التواصل الاجتماعي "فيسبوك" تحت عنوان "مشهد ناقص"، والصفحة دي متخصصة في إضافة أو استبدال أو تعديل مشاهد الأعمال الدرامية.

وأنشأت مروة سمير هذه الصفحة، وهي خريجة كلية الآداب قسم إعلام شعبة الصحافة، ولأنها تحب الكتابة والفن قررت أن تشبع محبتها هذه وهوايتها من خلال كتابة المشاهد الناقصة كما تراها في مخيلتها.

وقالت مروة لمصريات "أنا كل ما اتفرج على مسلسل أو فيلم دايما بأعمل النهاية وأنا قاعدة باتفرج وبادور على النهاية من أول لحظة في الفيلم فلما نهاية الفيلم بتخلص من غير ما حقق المشهد اللي تخيلته باتضايق جدا وأقول لا مش دي النهاية المتوقعة اللي كنت عاوزاها انا هاعمل النهاية بتاعتي."

وتابعت "لكن كنت بأعمله في ورق في البيت بعدكده لاقيت الناس متغاظة من النهايات اللي بيعملوها المنتجين والمخرجين والمؤلفين فقررت أعمل الصفحة دي ومنها بأشبع رغباتهم وهاعملكوا المشهد اللي انتوا عايزينه زي مشهد اختفاء سيد نفيسة اللي محدش عرف عنه حاجة في مسلسل السبع وصايا."

وبدأت مروة صفحتها بكتابة المشهد الناقص من وجهة نظرها في مسلسل الطوفان، فلم تعجبها كثيرا نهاية هذا المسلسل وبالتالي قررت تغيير نهايته، ونشرت صحيفة "الوطن" هذا المشهد.

وأضافت مروة أنها عندما شاهدت مسلسل الطوفان وجدت أن المسلسل لم يذكر معلومات حول أشياء كثيرة وقالت "اتفرجت على الطوفان نفس الفكرة انتوا ما حلتوش أجزاء كتير زي اختفاء أولاد أخواتهم وليه جابت ولد وليه نهتوها بعيد عن بيت صفية فالناس اتضايقت وانا منهم فحبيت أعمل نهاية تانية والمرة دي حبيت أشارك بيها على الفيسبوك وما كنتش متوقعة تعمل الصدى ده والناس تقعد تقرأها لغاية لما صحيفة الوطن أخدتها ونزلتها وكان ده بالنسبة لي ضربة حظ فقررت انزل بالمشهد التاني بتاع سيد نفيسة."

وبعدها قررت مروة مشاهدة مسلسلات مختلفة لتحدد مشاهدها الناقصة وتبدأ في كتابتها، ومن ضمن الأعمال التي تناولتها مروة على صفحتها "مشهد ناقص" فيلم العار ومسلسل السبع وصايا.

وقالت مروة "وبعدين قررت أخد مسلسل ورا مسلسل أشوف المؤلف نسي إيه مضايق الناس أو النهاية اللي ما كانوش حابينها وإحنا كمصريين دايما بنتوقع نهايات تانية خالص غير النهايات اللي بيخدوا أغلبها من الغرب يعني النهايات ما بتريحناش."

وتابعت "فقررت اعمل المشهد الناقص واتابع حاجات كتير ممكن يكون المشهد في نهاية المسلسل أو في النص وهما اتغافلوا عنه أو يكروتوه مع إن المسلسل بيكون 30 حلقة و40 وبيبئى حاجات كلها مالهاش أي لازمة ويسيبوا حاجات مهمة للمشاهد يقعد يسأل عنها وبما إني واحدة من الجمهور وقاعدة وسطه فعارفة بئى الأسئلة دي وبأحاول أجاوب عليها من خيالي."

لمتابعة المشاهد الناقصة التي تكتبها مروة يمكن زيارة الرابط : اضغط هنا

 

التعليقات