كسرت قاعدة مهنة للرجال فقط..النقاشة نرمين ناجح لـ "مصريات": الأسعار غليت والشغل أحسن من مد الإيد ..الإعلام مبيعملش لينا حاجة

تعمل بواحدة من المهن الصعبة التي تحتاج لمجهود بدني كبير، و حرفية و موهبة في العمل، التي يطلقون عليها في مجتمعنا للرجال فقط.

تقف على "السقالات"، وتعمل بالنقاشة، وتزين أسقف الكنائس والمنازل، و يثقلها إيجار منزلها المتواضع، و غلاء المعيشة بحسب ما اوضحت لمصريات.

 

نرمين ناجح، السيدة المصرية التي تعمل بمهنة النقاشة منذ ثلاث سنوات، و تتكفل بمصاريف أسرتها بعد مرض زوجها بالنقرس و عدم قدرته على العمل بشكل دائم بسبب مرضه. و قالت نرمين لـ "مصريات:  "أعمل بالنقاشة من 3 سنوات، زوجي عنده بالنقرس، ومابقاش قادر يشتغل"، وتابعت "مأجرين ورشة دهانات موبيليا، زوجي علمني الشغل، لما كنا مخطوبين"، وأضافت "من 12 سنة كنت بروح معاه الشغل، وأشوفه بيعمل ايه وأساعده لو مش معاه صنايعي".

وقالت "الناس كلها عارفاني، وبيحبوا شغلي جدا، وخصوصا لو ست عايزة تدهن الموبيليا في بيتها، بتطمن أنها تجيبني أشتغل في البيت أكتر من الصنايعي".

وتابعت "عندي أربعة أولاد، ممكن أنام ثلاث  أو أربع ساعات في اليوم علشان أهتم بيهم، لما بيناموا بروح الورشة، وبشتغل طول الليل".

و اكلمت حديثها بضيق قائلة: " الاسعار غليت، وثمن الخامات غلي جدا، و ده مأثر على الشغل، و مضيق علينا الحال، و كل اللي بيعمله الإعلام يطلعنا نكلم و محدش بيعملنا حاجة، لازم يكون في حل"

 

و أتمت" أفضل مساعدة ليا ان اي حد محتاج شغل نقاشة يتصل بيا، الشغل أحسن من مد الايد و المساعدة" 

التعليقات