محمود رضوان يكتب: إذا لمحوني في ملامحك

 

مراية بيتي مكسورة

فحاولي تظبطي المكياج بعيد عنها

تعالي بصي في عنيا، يكون أحسن

سيبيني أعمالك التسريحة

اللي هتليقلك مدام خارجين

ماتتكسفيش إذا لمحوني في ملامحك

إذا لمحوكي في سطوري

أنا عاشق وعشقي ليكي أسطوري

ويكفى إن إنتي قلتي في يوم:

وإيه يعني مش أنت قولت "ملهمتي"؟

صحيح إن إنتي ملهمتي

وعمر مكانلي ملهمات قبلك

دخلت الشعر وأنا أمي وإنتي المهلمة أمي

ودقت اليتم في بعادك فعشت يتيم في دواويني

لحد ماجيتى وفطمتى حنين الشعر وحنيني

 

*لمشاركتنا النصوص الإبداعية راسلونا على بريد إلكتروني: [email protected]

التعليقات