رسائل الحب.. صالح الغازي يكتب: الفرحة ألوانها كتير

اللوحة من رسومات( رحاب ابراهيم)
 
 
 
شربكو إزازة كاكولا باتنين شاليمو
 
ولبسكو برنيطة بمكانين
 
خلانى شايفكم واحد
 
سيب الريشة للحركة الحرة
 
سيبها ترتجل ولا يهمك
 
حواليك الألوان الزاهية
 
وقاعد براحتك
 
مابتفكرش فى الجرسون.
 
فى الوقت اللى من بعد ما تزعل 
 
و قبل ما تتصالح
 
بتسلم نفسك لعربية الملاهي.
 
تطلع فوق.. 
 
صريخ ناس مبسوطة
 
فى الدوران..
 
 الكلام ملخبط
 
.. سوق يا أسطى لحد الصبحيه
 
دوخة.
 
تطلب تتصور
 
وقوف مُفاجئ.
 
صوتكم واحد.
 
 بنبرة واحدة فعلاً
 
تانى.. كمان..
 
نفسى أشوف شكلك فى الصوره!
 
مشيت كتير..
 
و ف كل لفة
 
يتغالس عليك بياع الورد؛
 
ياخدك من نفسك.
 
أنت ماكرهتوش!
 
إتعاملت معاه كأنة لون من الفرحة!
 
 

*لمشاركتنا النصوص الإبداعية راسلونا على بريد إلكتروني: [email protected]

 
 

 

التعليقات