صالح الغازي يكتب أناشيد المحبة: مغازله


انتى الوحيده اللى بتهتم بيا كلِّى .
انا الوحيد اللى باهتم بيكى كلك.
الحب لون روحنا بالشفاف .
عمل وجودنا ،
انتعشت الروايح فى البستان
والشمس وسط الكون زهزهت .
أنا عيونى إحلوت اكتر ما هى حلوه !
لما شافت التوته فى عين الشمس
والفراوله بتسابقهم فى الوهوجه
والنحله بتلف المتاهه وتقع من الدوخه
أحلى حاجه الواحد يحس بوجوده
وينطلق بقوة سهم ناحية راحته
بأحلم أحس بيكى زى ما تحسى بنفسك.
يارب دايماَ.

التعليقات