منى حواس تكتي: خيال المآتة

 

 

 ويحصل

فى بعض الأماكن ساعات

خيال المآتة

بيحمي الغيطان

لكنّ الغيطان انْ سَكنها الفقير

فهىّ اللي تحمى

خيال المآتة

فى عُقر الوحوش

تحلّق تحوش

مافيش حاجة تمنع

وقوع القَدَر

بلادك لمونة

فى حِجر اللئيم

ودايخ وراها

كأنّك نبي

وداير يلملم رسالة حياة

بتتخبّى منّه

فى قلب الصبى

وبُكرة العيال دي

هتورث أبوها

وتقعد على العرش

زى الملوك

فتسأل أبوك:

وأنا عرشي فين؟

يقول لك :

تعلّم أصول البلادة

لأن البلد دي

هتفضل بلدهم

وباين هنفضل

خيال المآتة

التعليقات